|
|
|
|
BENVENGUTS A LA NÒVA LETRA INVÈRN 2024 !
|
|
|
|
|
|
Bonjorn! Aquela letra d'informacion es plan especiala : aquel auton, l'Euroregion festegèt sos 20 ans !! Otra un retorn sus aquela jornada plan intensa, i descobriretz tanben una partida de nòstras activitats del segond semèstre 2024. Nòstre trabalh en rets dins nòstres territòris e en delà pòrta sos fruches, amb una reconeissença polida dels actors euroregionals, europèus e mediterranèus. Nos desiram 20 ans de mai de desvolopament al servici de nòstras missions : COOPERAR | INNOVAR | REINVENTAR !!
|
|
En cors : apèl a projèctes CESAM
|
|
Projècte CESAM - Economia circulara e solucions duradissas per l'agroalimentari en Mediterranèa : son apèl a projèctes per las PME innovantas d'aquel sector es lancèt lo 19 de novembre de 2024, e serà obèrt fins al 19 de febrièr de 2025.
|
|
|
|
|
L'Euroregion, un actor màger de la cooperacion territoriala !
|
Lo 7 de novembre de 2024, celebrèrem lo 20en anniversari de l'Euroregion a Barcelona.
|
Mantuna personalitat e de nauts foncionaris de l'Union europèa èran presents per far pròva de las realizacions fachas pendent doas decennias al servici de la cooperacion transfrontalièra.
|
|
|
|
Los joves al còr de l'eveniment
|
De nombroses joves de l'Euroregion an pres part a aquela jornada de celebracion, metent endavant los resultats del projècte Youth 4 Green ERF e discutissent de la cooperacion culturala entre la joventut e Euròpa, en estrecha collaboracion amb l'AEJ - Amassada euroregionala dels Joves.
|
|
|
|
|
Declaracion dels membres de l'Euroregion
|
Per reafirmar lor posicionament coma actors màgers de la politica de coesion europèa, los tres representants de las institucions membres de l'Euroregion signèron una declaracion adreçada a l'Union europèa, a l'escasença dels 20 ans de l'Euroregion.
|
|
|
N. Pellefigue - Region Occitània, J. Duch -Generalitat de Catalonha, e A.M. Estarellas - governament de las Illas Balearas, pendent la signatura de la declaracion.
|
|
|
|
|
|
|
|
|
Lo segond apèl a candidaturas de l'Amassada euroregionala dels Joves es dobèrt, nos venètz rejónher !
|
|
|
|
|
Los 28 e 29 de novembre, l'AEJ coorganizèt la segonda edicion d'AGACHES amb l'associacion Euroccat a Narbona, un collòqui euroregional dels espacis occitan e catalan jol tèma « Susmontar las frontièras : copaduras ? costuras ».
|
|
|
|
Esitetz pas a seguir l'AEJ sus las rets socialas !
|
|
|
|
|
|
L'apèl a projèctes Cultura 2024 s'acabèt !
|
Los resultats son disponibles sus nòstre sit, e los projèctes novèls començaràn lèu. Los de l'apèl 2023 #APC23 son en cors !
|
|
|
|
|
|
Los laureats del concors CREA OCCAT (creacion de contenguts en catalan e occitan sus las rets socialas) recebèron lors prèmis pendent la celebracion dels 20 ans a Barcelona.
|
|
|
|
Mercé a totes los participants per lors creacions numericas en occitan e en catalan !
|
|
|
|
|
|
Los 4 e 5 d'octobre aguèt luòc lo Fòrum joventut del projècte Youth for Green EuroRegio Future a Girona. Aquel projècte a permés de desvolopar una campanha de comunicacion euroregionala sus la politica de coesion de l'UE : creat per e pels joves a l'entorn de l'objectiu de tornar Euròpa mai verda, adaptant los tèmas mai pertinents del Pacte verd a un apròchi euroregional.
|
|
|
|
|
|
Los joves redigiguèron sustot un manifèst a destinacion de la DG Regio.
|
|
|
|
|
|
|
|
Lo 4 d'octobre aguèt luòc la jornada euroregionala d'amassatge de degalhs Let’s Clean Up Europe, simultanèament dins un pargue natural de cadun dels tres territòris membres de l'Euroregion, amb la participacion de mai de 200 joves.
|
|
|
|
|
|
Lançat lo 19 de novembre, l'apèl a projèctes CESAM es obèrt fins al 19 de febrièr de 2025.
|
Aquel apèl a projèctes es destinat a las PME Innovantas que se situan en Catalonha, en Occitània e a las Illas Balearas.
|
|
|
|
CESAM | Rencontre a Barcelona | 16/10/24
|
|
Quatre entitats partenàrias del projècte s'amassèron a Barcelona, dins l'encastre d'una jornada d'escambi de bonas practicas al sèti d'ACCIÓ, seguida de doas visitas suls sits de Derypol e Go Zero Waste.
|
|
|
|
|
|
|
Après près de 4 ans de desvolopament, lo projècte LIFE WAT'SAVEREUSE s'acabèt : de resultats probants per aquel projècte de sensibilizacion a la legislacion sus l'estalvi e la reütilizacion de l'aiga dins lo sector toristic.
|
|
|
|
|
"Estalviar e reütilizar l'aiga dins lo sector toristic"
|
|
|
|
|
Malta | 12-13 de nov. 2024
|
Amb los partenaris de LocAll4Flood, nos amassèrem a Malta, per la segonda reünion presenciala del projècte, per escambiar e presentar nòstras avançadas.
|
|
|
Pendent los darrièrs meses, lo projècte a fach de progrèsses notables, amb lo desvolopament d'un catalòg de solucions naturalas per la gestion de las inondacions, la configuracion d'una aplicacion d'alèrta e la realizacion d'enquèstas sus la percepcion dels risques dins de bacins versants pilòts.
|
|
|
|
|
|
Lo programa Interreg Euro-MED organizèt los 28-29 de novembre lo segond Dialòg de la Natural Heritage Mission a Malaga, a lo qual participèrem, tant coma projècte amb la preséncia de doas de nòstras partnaires, coma coma expèrts, per l'intervencion de Xavier Bernard-Sans, secretari general de l'Euroregion.
|
|
|
|
Itàlia| 25-27/11/24
|
Participèrem a la segonda reünion del consòrci del projècte Carbon Farming Med que se tenguèt dins los magnifics Abruzzes, en Itàlia.
|
|
Aquel projècte finançat pel programa Interreg Euro-MED a per mira de promòure la dintrada del sector agricòla de la region mediterranèa al mercat dels crèdits carbòni.
|
|
|
|
|
|
|
L'objectiu principal del projècte es de favorizar la transformacion de l'industria de la mòda dins lo territòri SUDOE.
|
Lo projècte a per mira d'adaptar lo sector a las novèlas exigéncias environamentalas e a promòure un modèl mai duradís dins l'industria del textil e de la mòda.
|
|
|
|
|
|
|
|
|
A Porto, CITEVE, l'un de nòstres partenaris, presentèt Fashion Forward pendent lo salon grand del textil e de la mòda a Portugal, Modtissimo 2024, los 12 e 13 de setembre .
|
|
|
|
|
|
|
|
|
|
Una etapa importanta pel desvolopament del projècte es lo diagnostic de las practicas en matèria d'irrigacion en l'espaci cobèrt pel projècte, per d'enquèstas menadas al près dels agricultors e actors concernits.
|
|
|
|
|
|
Plataforma europèa transfrontalièra | Budapèst
|
|
Participèrem al lançament de la plataforma dels territòris, regions e euroregions transfrontalièras a Budapèst lo 13 de novembre de 2024. Aquela iniciativa del Comitat de las regions afortís nòstra posicion dins la ret europèa de cooperacion territoriala.
|
|
|
|
|
|
Novèlas de l'equipa de l'Euroregion :
|
|
|
|
Sèm encantats d'aculhir Moussulihou Imame, que s'es plenament integrat a l'equipa per son estagi de comunicacion e projèctes europèus ! Sèm egalament uroses de retrobar Lorena Abelenda Castro, qu'es tornada de son comjat maternitat. Es amb emocion que diguèrem adissiatz a Flora Bacquelaine, que s'èra cargada de las missions Cultura e Jeunesse en son abséncia. Encara mercé !! Pertocant Anouck Moulin, nòstra volontària jove Interreg (IVY), sa mission de seguit e desvolopament de l'AFLE dins l'equipa s'acabèt. Te desirem lo melhor per ta venenta etapa professionala !
|
|
|
|
|
|
|
Lo Centre del Mond, Hall B, 3r estanci,
|
35, Baloard Sant Assiscle CS 7004 66011 Perpinhan Cedex (França)
|
|
|
|
|
|
|
|