APC – Apèl de projèctes Cultura

L’Euroregion Pirenèus-Mediterranèa valoriza la diversitat culturala, lingüistica e patrimoniala de son territòri e se posiciona coma una zòna de referéncia al nivèl europèu e mediterranèu en matèria de cooperacion culturala. Sustot en sostenent lo desvolopament e la creacion artistica jos totas sas formas e en promovent l’ensemble de son patrimòni.

L’apèl a projèctes culturals annal (APC), creat en 2010, s’inscriu dins la fuèlha de rota « Euroregion 2030 » e a per mira de contribuïr a la construccion d’un avenidor mai resilient. Aquela iniciativa a per mira de favorizar la diversitat culturala dins l’Euroregion, a promòure una cultura euroregionala dobèrta al bacin mediterranèu e a afortir la solidaritat amb d’autres territòris. L’Euroregion s’engatja al benefici d’un teissut cultural coesiu e crei al ròtle dels actors culturals e de las industrias creativas coma motor de la cooperacion e del desvolopament social. En consequéncia, l’apèl s’adreça a las entitats basadas en Catalonha, a las Illas Balearas e en Occitània. Per tal de favorizar la cooperacion e la diversitat, los projèctes devon implicar almens tres entitats, una provenenta de cada territòri membre. Enfin, las activitats eligiblas se devon debanar sul territòri de l’Euroregion.

Los projèctes pòdon portar sus d’activitats talas coma la creacion, la produccion, l’exposicion, la mediacion, la difusion, la valorizacion e la promocion del patrimòni, aital coma sus de procediments de numerizacion, dels escambis culturals e d’autras formas d’expression creativa. Pòdon egalament inclure d’iniciativas connèxas, talas coma la formacion e la gestion culturala. L’apèl a projèctes es obèrt a totas las disciplinas dels sectors cultural e artistic.

Apèl a candidaturas APC

• Podètz consultar los apèls a projèctes en cors.

• Podètz consultar los projèctes seleccionats pendent los apèls precedents e de l’apèl APC25.

• Tota la documentacion relativa als apèls es disponibla aicí.

Ret dels actors culturals de l’Euroregion

Per las organizacions e los trabalhaires independents interessats per la participacion a de projèctes culturals, a la recèrca de partenaris potencials o desirant se far conéisser al près d’autras organizacions, vos convidam a rejónher aquel grop WhatsApp ont vos fornirem d’informacions utilas e gràcia a lo qual poiretz escambiar amb nosautres e amb d’autras organizacions culturalas de l’Euroregion. En mai, dispausam egalament d’un esplech de recèrca de partenàrias permetent de localizar totas las entitats culturalas de l’Euroregion. Se desiratz vos inscriure per fin que de partenaris de projècte potencials vos pòscan trobar, o simplament per far conéisser vòstras activitats al public grand, podètz crear un perfil de partenari contenent totas las informacions necessàrias.

Podètz egalament utilizar los hashtags #EPMpartners #APC per trobar de partenaris sus las rets socialas.