Assemblada Eurorégionala dels Joves
Quals sem?
L’Assemblada Eurorégionala dels Joves es un espaci de participacion format per de joves d’entre 16 e 30 ans residents dins los territòris de l’Eurorégion Pirenèus-Mediterranèa: Catalonha, Illas Balearas e Occitània. Sèm una comunitat dinamica e engatjada amb l’avenidor de la region, amb l’objectiu de marcar las politicas eurorégionalas e europèas.
Dependèm de l’Eurorégion Pirenèus-Mediterranèa, ont las prioritat pels joves a l’orizont 2030 son :
- Afavorir los escambis e la mobilitat dels estudiants, joves en formacion, en insercion e del segondari.
- Sosténer sas universitats per que sián inclusivas pels estudiants e joves cercaires fàcia als novèls desafiaments de l’educacion, e per que cooperèsson entre elas a l’escala europèa.
- Encoratjar la cooperacion entre joves entreprenaires e las oportunitats d’emplec pels joves, en favorizant las borsas al sen de las entrepresas de l’Eurorégion.
L’Assemblada Eurorégionala dels Joves a una dobla finalitat :
- Propausar e promòure las politicas de joventut als govèrns regionals sus las questions d’interès particular dins lo quadre de l’Assemblada.
- Aquesir l’estatut d’organ consultatiu de l’Eurorégion per defendre los interèsses dels joves dins los domenis de trabalh de l’entitat.
De mai, l’Assemblada es un espaci d’escambi e de debat entre sos membres, ont pòdon descobrir de primièra man lo foncionament de las institucions europèas de cooperacion territoriala, coma las eurorégions. Trabalham per encoratjar la participacion activa de la joventut dins la presa de decisions e per bastir un futur mai coesionat e duradís per l’Eurorégion Pirenèus-Mediterranèa.
Convocatòrias
La primièra convocatòria aguèt luòc del 12 d’abril al 5 de junh de 2023, e l’Assemblada se constituiguèt los 9 e 10 de febrièr de 2023 a Tolosa, França, ont se tenguèt la primièra Assemblada Eurorégionala dels Joves (AEJ). Durant aquesta primièra assemblada constituenta, los membres poguèron elegir lors representants, en optant per una presidéncia rotativa, seguent lo modèl de l’Eurorégion.
La segonda convocatòria aguèt luòc del 9 de decembre al 26 de genièr de 2025.
Istòria
Creacion
L’AEJ se creèt los 9 e 10 de febrièr de 2023 a Tolosa, França, ont aguèt luòc la primièra Assemblada Eurorégionala dels Joves (AEJ). Durant aquesta primièra assemblada constituenta, los membres poguèron elegir lors representants, en optant per una presidéncia rotativa, seguent aquela de l’Eurorégion.
Mandats
Lo 2 d’abril de 2025, avèm entamenat un mandat novèl, coïncidissent amb la passacion de la presidéncia de l’Euroregion.
Sèm actualament dins lo segond mandat de l’Assemblada generala, una etapa que reafirma nòstre engatjament collectiu a perseguir la realizacion dels objectius comuns e a assolidar los progrèsses complits. Aquel periòde nos permet de perseguir las iniciativas lançadas e d’afortir la cooperacion entre totes los Estats membres.
Istoric de las Assembladas generalas
Mandat 2023-25 :
- 9 e 10 de febrièr de 2023, a Tolosa (Occitània)
- 24 e 25 de novembre de 2023, a Comarruga (Catalonha)
- 25 e 26 de genièr de 2025, a Palma (Iles Balearas)
Mandat 2025-27 :
- 17 de març de 2025, Assemblada generala en linha
- 3 e 4 d’octobre de 2025, a Montpelhièr (Occitània)
Aquelas reünions an permés de perseguir la realizacion dels objectius comuns e d’afortir la collaboracion entre los territòris.
Galariá d'imatges
