Un total de 31 entrepresas implicadas dins 20 projèctes d’innovacion an estat seleccionadas dins l’encastre del projècte europèu CESAM – Economia circulara e solucions duradissas per lo sector agroalimentari en Mediterranèa, e recebràn un total de 900 000 èuros en ajudas destinadas a sosténer l’innovacion e la sostenibilitat dins lo sector agroalimentari mediterranèu.
Lo projècte CESAM, pilotat per l’Euroregion Pirenèus-Mediterranèa, reünís los actors claus de l’ecosistèma d’innovacion del sector agroalimentari dels tres territòris membres de l’Euroregion. I tròbam las agéncias regionalas d’innovacion, los clústers, e de pichonas e mejanas entrepresas (PME) qu’elaboran de solucions innovantas dins l’encastre d’una economia circulara e sostenguda.
Lo projècte dispausa d’un budget total de 3 milions d’èuros, finançat a 70 % per l’instrument europèu I3 – Investiments d’Innovacion Interregionals via l’agéncia EISMEA (Agéncia Executiva del Conselh Europèu per l’Innovacion e las PME), e sa durada es prevista per tres ans, fins a agost de 2026.
A la fin de 2024, CESAM lançèt un apèl a projèctes per sosténer l’innovacion, e recebèt 105 candidaturas vengudas d’entrepresas de l’Euroregion. Los projèctes devián respondre a quatre axes prioritaris del sector :
Tractament e reciclatge de las aigas industrialas, e utilizacion concertada de l’aiga
Embalatge sostengut : ecodessenh, eliminacion dels plastics, materials novèls o solucions circularas
Optimizacion dels procediments e circuits circulars : reduccion dels rebuts
Valorisacion dels subproductes : tornar emplegar los excedents e los rebuts per generar de produchs novèls o de fònts d’energia
Aprèp dos meses d’evaluacion conjunta e interregionala amb d’experts dels tres territòris, la lista dels 20 projèctes seleccionats, que impliquèron 31 entrepresas, foguèt publicada lo 13 de junh passat. Aquelas entrepresas beneficiaràn d’un sostèn financièr de 900 000 èuros, per ajudar al desvolopament e a la comercializacion de solucions innovantas e sostengudas.
Amb lo projècte CESAM, l’Euroregion reafirma son engatjament per una economia circulara, resilienta e sostenguda, en promòvant una collaboracion estrecha entre los ecosistèmas d’innovacion dels territòris. CESAM representa un pas endavant vèrs un modèl agroalimentari mai circular, verd e competitiu en Mediterranèa.
Dobrir / Telecargar :
La desena cincau edicion de l’apèl a projèctes « Cultura » de l’Eurorregion, amb un torne total de 120 000 €, es dobèrt dempuèi lo diluns 2 de junh. Los actors culturals e las [...]
