2019 Projèctes subvencionats montant global e basas

Podètz consultar los vidèos e materials de la presentacion facha a Barcelona (3 de mai) en aqueste ligam. Tanben en Canal Youtube d’Europa Creativa Desk – MEDIA Catalunya.

1) Transefímers. Projècte liderat pel Consòrci Transversal-Ret d’Activitats Culturalas(Catalunya). Sòcis: Associació La Insòlita (Islas Balearas) e Association Champ Libre (Occitània). Montant concedit: 24.000€.

Transefimèrs prepausa una collaboracion entre festenals d’art efimèr (installacions artisticas temporalas: arquitectonicas, luminicas, visualas, d’art urban, etc.) que an sa plaça sus l’espaci public e cercan revalorizar lo patrimòni cultural per mejan de la creacion contemporanèa.

2) Art e Territòri. Projècte liderat per l’Associacion Idensitat (Catalonha). Sòcis: Casa Planas (Islas Balearas), La Escocesa (Catalonha) e Le BBB Centre d’Art (Occitània). Montant concedit: 24.000€.

Art e territòri es una ret de residéncias pel foment de la recèrca e la produccion artistica en Catalonha, Balearas e Occitània. S’establís coma un contèxt de trabalh partejat, en partent d’un quadre espacial e conceptual que partejan los membres de la ret: la “periferia”.

3) Dèlta. Residéncias de creacion euroregionala. Projècte liderat per l’Associacion Es Far Cultural (Islas Balearas). Sòcis: Jiser Reflexions Mediterrànies (Catalonha), Centre d’Art Le Lait (Occitània). Montant concedit: 23.000€.

Aquel projècte prevei la seleccion, per mejan de convocacion publica, de sièis artistas: dos de Catalonha, dos de las Islas Balearas e dos de la Region Occitània. Realizaràn un sojorn a la residéncia d’artistas de Montpalau, en Menòrca. I aurà un sojorn de creacion e d’escambis, una exposicion a Barcelona e una autra as Albi.

4) Cinèma Liure a la Bibliotèca. Projècte liderat per Mago Production. Sòcis: Godo Films (Occitània) e APAIB (Islas Balearas). Montant concedit 21.000€.

Lo projècte fomenta la consomacion de l’audiovisual local e poténcia l’usatge de las bibliotècas coma espaci social per estimular la cooperacion entre diferents sectors culturals de l’Euroregion.

5) Memòria e patrimòni de l’exili dins l’Euroregion. Projècte liderat per la Fundació Pi i Sunyer. Sòcis: Universitat de les Illes Balears (IB), Laboratoire FRAMESPA–Universitat de Tolosa 1 Capitòli (Occitània), Archius Municipals d’Agde (Occitània), Museu Memorial de l’Exili (Catalonha), Centre d’Estudis sobre Dictatures i Democràcies (Catalonha), Universitat de València. Montant concedit: 13.000€.

Memòria e patrimòni de l’exili dins l’Euroregion aurà doas fasas. Dins la primièra, s’organizarà una trobada d’especialistas en la Retirada, l’exili e los camps franceses dels tres territòris de l’Euroregion e, tanben, del conjonch d’Espanha e França. Dins una segonda fasa, se crearà una bibliotèca numerica de recèrca de l’exili e los camps de l’Euroregion.

6) Realitat museistica e dialòg euroregional. Projècte liderat per l’Universitat de les Illes Balears (IB). Sòcis: Universitat de Perpinhan Via Domícia (Occitània), Ateneu Barcelonès (Catalonha), Universitat Rovira i Virgili (Catalonha). Montant concedit: 22.000€.

La tòca del projècte es promòure linhas de trabalh entre musèus de l’Euroregion amb caracteristicas comunas, siá dempuèi la connexion d’aisinas tecnicas, siá de difusion. Lo projècte vòl tanben crear un document ont, dempuèi la coneissença academica e dempuèi los pròpris gestors, se fagan de proposicions a las administracions publicas per estimular la relacion iniciada.

7) LandLimo1. Projècte liderat per Association Fotolimo (Region Occitània). Sòcis: Casa Planas (Islas Balearas) e Ruido (Catalonha). Montant concedit 13.000€

LandLimo1 es una collaboracion entre tres entitats euroregionalas que s’assòcian per questionar la nocion de frontièra per mejan de las arts visualas, de mòstras de talhièrs e de l’investigacion artistica.

La convocatòria de subvencions a projectes culturals d’abast euroregional ha arribat a la desena edició. El 2019, la convocatòria ha estat premiada per l’Associació de Regions Frontereres Europees (ARFE) amb un guardó especial pel foment, a llarg termini, de la cooperació fronterera. Al llarg dels seus deu anys d’existència, la convocatòria ha permès finançar una cinquantena de projectes culturals.