A l’escasença de l’European Youth Week, l’Assemblada Eurorégionala dels Joves (AEJ) lança un concors dobèrt a totes los joves de l’Euroregion Pirenèus-Mediterranèa. L’objectiu es simple : encoratjar los joves de nòstras regions a s’engatjar dins la vida publica en prepausant d’iniciativas concrètas per melhorar lor quotidian. A la clau pels laureats : un viatge a Brussèlas per descobrir las institucions europèas.
Que pòt participar ?
Lo concors es obèrt a tota persona annadida de 16 a 30 ans, residissent dins l’un dels 3 territòris de l’Euroregion (Occitània, Catalonha o a las Illas Balearas) e participant a títol individual. Vòstra proposicion se deurà inscriure dins l’un dels tres domenis seguents :
Environament – Dreches socials – Culturas e lengas
Las candidaturas son a depausar exclusivament pel formulari en linha disponible sus la plataforma WIIN, entre lo 24 d’abril e lo 31 de mai de 2026. Cada dossièr deurà comprene una video o una fotografia, obligatòriament acompanhat d’un document escrich d’una pagina maximum presentant l’iniciativa prepausada, sos objectius e son impacte potencial suls joves.
Seleccion e prèmi
Las candidaturas seràn examinadas per una jurada compausada de membres de l’AEJ e del grop joventut de l’Euroregion, segon quatre critèris :
Tres laureats seràn designats, un per territòri de l’Euroregion, e anonciats pendent un eveniment organizat a Tolosa entre lo 3 e 5 de julhet de 2026, a lo qual la preséncia dels laureats serà requerida. Beneficiaràn d’un desplaçament a Brussèlas en companhiá de l’AEJ per una visita de las institucions europèas.
En sometent lor candidatura, los participants accèptan lo present reglament dins son integralitat, aital coma la possibilitat per l’AEJ d’utilizar los contenguts someses a de fins de comunicacion, amb mencion de lor nom.
Per mai d’informacions :
Per tota question relativa a l’apèl a candidaturas, los participants pòdon contactar l’AEJ o l’Euroregion a las adreças seguentas :
Document telecargable : Basas del concors FR/CAT
Rejonhètz-nos e contribuïssètz a bastir l’Euroregion de deman !
La Presidéncia de las Illas Balearas de l’Euroregion Pirenèus Mediterranèa impulsa a Palma una conferéncia euroregionala de naut nivèl suls risques d’inondacion De representants institucionals, dels expèrts e dels gestionaris [...]
