Aquel axe estrategic, clau de vòlta de la creacion de l’Euroregion Pirenèus-Mediterranèa – sustot dempuèi 2010, annada del lançament del primièr apèl a subvencions culturalas – s’es estructurat en dos objectius principals entre 2017 e 2020.
- D’una part, l’objectiu èra de reforçar la coesion e l’integracion sociala dels tres territòris, en particular per çò dels joves;
- D’una autra part, a causit d’espandir una vision d’una cultura renovelada e dinamica, dobèrta sus l’exterior e respectuosa de son passat, totjorn en s’apiejant suls actors culturals tot en lor prepausant una perspectiva europèa.
En 2019, la convocacion cultura euroregionala es estat premiada per l’Associacion de Regions Frontalièras Europèas (ARFE) amb guerdon especial per la promocion, a long tèrme, de la cooperacion frontalièra.
Per la fuèlha de rota de 2030, l’Euroregion impulsarà una cultura fòrta amb una identitat euroregionala mediterranèa, gràcias a :
- Una cultura partejada e innovatritz.
- Las lengas euroregionalas valorizadas tant coma las culturas novèlas.
- Un territòri obèrt a d’autras culturas e d’autres territòris.
Per tal d’aténher aqueles objectius, l’Euroregion contunha de jogar la carta en convocacions especificas del sosten de l’economia culturala euroregionala.
Aprés d’11 ans de convocacions, en 2020 s’es facha una especifica per ajudar los joves creators per far tèsta a las crisis Covid e se mantendrà segurament pels ans que venon aquel sosten al sector cultural euroregional.
