Apèl de projèctes Cultura 2024

L’Euroregion Pirenèus-Mediterranèa valoriza la diversitat culturala, lingüistica, e patrimoniala de son territòri. L’Euroregion es un espaci de referéncia al plan europèu e mediterranèu en matèria de cooperacion dins lo domeni cultural sustot dins lo sosten al desvolopament e a la creacion artistica jos totas sas formas, e dins la valorizacion de totes sos patrimònis.

Lo present apèl a projècte cultura s’inscriu dins l’encastre del fuèlh de rota de l’Euroregion, per tal de bastir un futur resilient d’aicí a 2030. Prevei de promòure la diversitat culturala dins l’Euroregion e una cultura dobèrta sul bacin mediterranèu, e solidari amb d’autres territòris.

Per tot depaus de dossièr de candidatura a un apèl a projèctes emeses per l’Euroregion Pirenèus-Mediterranèa, volgatz prene coneissença dels documents aplicables a respectar, en complement del reglament de cada apèl.

Webinari de presentacion de l’APC24 e contacte amb possibles socis de projèctes, lo 13/06/24 a 9h30
Programa | PRESENTACION DIAPORAMA APEL A PROJECTES APC24
Enregistrament del webinari

Per las entitats e auto-entrepreneires desirant participar a de projèctes culturals recercant de possibles partenaris o desirant se far conéisser d’autras entitats, podètz emplenar aquel formulari amb vòstras coordenadas e informacions ligadas als projèctes. Ansi, poirem publicar vòstra demanda dins la plataforma WIIN per facilitar la recèrca de partenàrias.
Veire las entitats que recercan de partenaris de projèctes : Presentacion WIIN recerca partenariat.
Podètz egalament utilizar los hashtags #EPMpartners #APC24 per trobar de partenaris sus las rets socialas.