Navèth site web de l’Euroregion Pirenèus Mediterranèa

L’Euroregion Pirenèus Mediterranèa lança son navèth site web

Un site web dambe imatge e logo renovelats, que mèrca una navèra etapa ende l’Euroregion

Sos tres membres, les governaments de la Generalitat de Catalonha e de las Islas Balearas tanplan coma la Region Occitània, assiguran actualament la Presidéncia viradissa deu Gropament Europèu de Cooperacion territoriala, desiran qu’aqueth site web siásque prumèr destinats aux ciutadans

Le moment es vengut, ende l’Euroregion Pirenèus Mediterranèa, de quilhar son imatge navèth, renovelat fin 2020 segon la volontat de sos membres, e de hèr vàler un site internet mes clar, visuau e intuitiu. S’articula a l’entorn de prioritats e de projèctes bèths de l’Euroregion que permeten de la conéguer mílhor.

L’Euroregion, instrument politic de cooperacion entre tres territòris membres, organizada en Gropament Europèu de Cooperacion territoriala, permet d’unir lors esfòrces a prepaus de las problematicas comunas, que le rebat n’es les projèctes variats que n’es capolièra o partenària.

Que s’agisca de projèctes cofinançats per diferents programas de l’Union Europèa o d’aperets a projèctes especifics finançats per l’Euroregion sola, se posiciona clarament en favor deus èishes màger seguents : les ciutadans, l’economia, le territòri e la cultura.

Le site navèth es disponible en 5 lengas (francés, catalan, occitan, castelhan, anglés), aspècte primordiau de la volontat euroregionala d’exprimir la riquessa de la diversitat culturala e lingüistica de son territòri bèth.

Permet, d’una part, de seguir, en una uelhada, l’activitat de l’Euroregion suus malhums sociaus o mercés a son agenda, mès tanben de tornar trobar notadament les projèctes desvelopats dins l’encastre deu Hons de Sosteng COVID per exemple, o encara de s’abonar a la letra d’informacion que tornerà lèu tanben, renavida a l’escasença e plea de detalhs suus partenariats en cors.

Es l’escasença tanben de començar a seguir l’Euroregion e sos projèctes associats suus malhums sociaus.

Descargas:

Nòta de premsa