TERRA-MED : Un programa doctoral interregional per far progressar la durabilitat e la resiliéncia climatica en Occitània, a las Illas Balearas e en Catalonha.
TERRA-MED es un programa internacional de doctorat innovant, pilotat per l’Euroregion Pirenèus–Mediterranèa, qu’a per mira de relevar los desfises creissents del cambiament climatic en Mediterranèa. Lo programa atirarà e formarà de joves talents internacionals e amassarà d’universitats de primièr plan, dels centres de recèrca, de las autoritats publicas e dels actors locals per tal de desvolopar de solucions concrètas beneficiant dirèctament a las populacions, als territòris e a las comunautats.
Las tres regions mediterranèas que compausan l’Euroregion son particularament expausadas als impactes cumulats del cambiament climatic, que perturban las ressorsas naturalas, los ecosistèmas e los sistèmas socioeconomics. Per respondre a aqueles enjòcs comuns, TERRA-MED s’apièja sus l’apròchi del nexus Aiga–Tèrra–Energia, en analisant los ligams estreches entre los sistèmas de l’aiga, dels sòls e de l’energia, e en explorant de mòdes de gestion mai duradissas e mai eficaças de cap al cambiament climatic.
Doté d’un budgèt total d’8,1 milions d’euros, dont 4,3 milions de finançaments europèus, TERRA-MED recrutarà e acompanharà 33 doctorantas e doctorants per un apèl internacional a candidaturas que serà lançat fin 2026. Aqueles talents joves trabalharàn de faiçon interdisciplinària e transfrontalièra, en combinant recèrca scientifica, innovacion e experiéncia de terren. Cada projècte doctoral implicarà de partenaris eissits de diferentas regions e de divèrses sectors, amb de periòdes de mobilitat a l’internacional e una collaboracion estrecha entre universitats, institucions publicas e mond socioeconomic.
Las 33 doctorantas e doctorants beneficiaràn d’un programa de formacion dedicat, concebut e començat conjonchament pels 12 partenaris academics e 22 partenaris associats. Aquel programa lor permetrà de desvolopar non solament de competéncias scientificas de naut nivèl, mas tanben de las competéncias transversalas, socialas e entrepreneuriales, los preparant a de carrièras dins la recèrca, las politicas publicas o lo sector privat.
TERRA-MED es lo primièr programa Marie Skłodowska-Curie COFUND coordinat per una euroregion e lo mai important projècte de recèrca competitiu jamai portat per l’Euroregion Pirenèus Mediterranèa. Entièrament alinhat amb lo Pacte verd per Euròpa e las principalas missions europèas sus l’aiga e l’adaptacion al cambiament climatic, TERRA-MED posiciona l’Euroregion coma un espaci transfrontalièr de referéncia pel desvolopament de solucions innovantas e concrètas de cap als desfises climatics e de durabilitat en Mediterranèa.
Las lengas euroregionalas ganhan en visibilitat numerica amb la 3na edicion del concors CREAOCCAT Los resultats del concors CREAOCCAT son d’ara enlà coneguts : un format renovelat e 12 000 [...]
TERRA-MED, lo novèl programa doctoral interregional coordinat per l’Euroregion Pirenèus Mediterranèa, a obtengut 4 milions d’euros de finançament europèu dins l’encastre del programa Orizont Euròpa Marie Skłodowska-Curie COFUND. TERRA-MED : Un programa doctoral interregional per far progressar la durabilitat e la resiliéncia climatica en Occitània, a las Illas Balearas e en Catalonha. TERRA-MED es un [...]
