Y4 GREEN ERF

Projècte Youth 4 Green ERF

Programa : DG REGIO – Comission europèa

Prioritat : Comunicar la politica de coesion e los efièches del Pacte verd europèu en la vida vidanta dels ciutadans de l’Euroregion, en metent l’accent suls joves del territòri.

Objectiu especific : Adaptar la comunicacion en raprochant las decisions de l’UE dels ciutadans euroregionals, illustrar lo ligam entre la politica de coesion de l’UE e los ciutadans del territòri, desvelhar l’interès dels joves per las questions europèas, sustot environamentalas, e implicar los joves dins la concepcion e la mesa en òbra d’aquela campanha de sensibilizacion.

Budgèt total : 283 055,66 EUR

Finançament de l’UE : 226 444,53 EUR

Cofinançament : cada membre contribuïrà en fons pròpri.

Durada : 1 annada

Youth for green Euro Regio Future es un projècte de campanha de comunicacion euroregionala personalizat e multilingüa a prepaus de la politica de coesion de l’UE. Es estat creat per e pels joves e pausa sus una cooperacion territoriala sostenguda e a long tèrme entre las 3 regions membres de l’Euroregion Pirenèus Mediterranèa (Region Occitània, Generalitat de Catalonha e Governament de las Illas Balearas).

Amb un consòrci de 6 partenaris representant de governaments, de las entitats localas, de las universitats e de las organizacions de joventut del territòri de l’Euroregion que presentan d’estructuras experimentadas dins las rets de comunicacion de l’UE, lo projècte Y4 GREEN ERF abòrda las 5 prioritats politicas de la coesion 2021-2027 per sensibilizar la populacion pr’amor dels resultats de la politica regionala de l’UE e de son impacte sus la vida dels ciutadans e sul desvolopament duradís del territòri euroregional. Atal, l’ais principal de la campanha s’articula a l’entorn de la prioritat de tornar Euròpa mai verda : l’Euroregion compta 35 espacis naturals terrèstres, marins e costièrs.

Sa cibla principala son los joves, e mai aqueles avent mens d’oportunitats (formacion professionala, escòlas de la segonda astrada o joves migrants). Y4 GREEN ERF, a travèrs d’una ret de mèdias locals, de las canals de comunicacion originalas e largas (mini-documentaris, videos amb imatges, rets socialas), adapta los subjèctes mai pertinents del Pacte Vert europèu a un apròchi euroregional (adaptacion al cambiament climatic, preservacion de l’environament e de la biodiversitat…), dels enjòcs que despassan las frontièras.

Aquel projècte a per tòca de :

• Adaptar la comunicacion dins una perspectiva euroregionala al còr/dintre del projècte europèu. Lo projècte promòu d’accions de comunicacion classicas e en linha cobrissent lo territòri euroregional, aital coma de campanhas per las rets socialas. Aquelas campanhas van plan al delà del quadre tradicional de comunicacion sus la politica de coesion, en efièch lo cambiament climatic e la proteccion de l’environament coneisson pas de frontièras.

Seràn mesurats pel nombre d’entitats de sosten que transmeton la campanha e son espandiment geografic (destinataris : almens 3 entitats collaboratrises e 5 mèdias partenaris segon diferentas categorias – premsa escricha e en linha, ràdios…- en cada region), e tanben lo nombre total de publicacions (cibla : almens 20 publicacions/contenguts diferents dins l’espaci euroregional).

• Illustrar lo ligam entre l’avenidor dels ciutadans de l’Euroregion e la politica de coesion de l’UE : lo projècte se concentrarà sul resultat de bonas practicas basadas sus de projèctes del periòde 2014-2020 e de la primièra partida del periòde actual de la politica de coesion 2021-2027 e ligats al cambiament climatic e a la proteccion de l’environament. Aiçò serà mesurat per diferents messatges difusats (cibla : almens 2 afichas/panèls, 4 videos > 3 mini-documentaris/entrevistas + 1 corta video e 1 audio, e 20 contenguts a destinacion dels mèdias euroregionals locals (articles, reportatges, entrevistas. . .) e 50 pòsts sus las rets socialas, amb efièch multiplicador pel partatge en linha.

• Suscitar l’interès dels joves, dels ciutadans… e dels mèdias per las questions europèas. Aiçò serà mesurat pel nombre de personas implicadas dins las accions entrepresas / menadas (objectiu : 50 al minimum) o tocadas pels mèdias (estadisticas en linha e mediaticas ; objectiu : 50 000).

Implicar los joves dins la concepcion e la mesa en òbra del projècte. L’objectiu es sensibilizar los ciutadans que coneisson pas l’UE e son accion, per una comunicacion multilingüa originala que poirà egalament sedusir los mèdias. S’agís d’una dobla campanha: dirècta (per e pels joves) e indirècta (comunicacion sus la comunicacion).
Los resultats seràn avalorats en foncion del nombre de joves implicats (cibla: almens 1 000 participants per d’activitats en presencial e en linha e un forum dels joves).

Las accions del projècte a començar, que completan lo Fuèlh de rota de l’Euroregion 2021-2030, seràn co-bastidas de bas en naut, dinamicas e adaptadas a la realitat de cada territòri de l’Euroregion, en utilizant sas 4 lengas diferentas (catalan, espanhòl/castelhan), francés, occitan).

Fòra linha, almens 15 eveniments euroregionals e un Forum euroregional de la joventut son previstes. Y4-GREEN-ERF espèra tocar 50 000 ciutadans euroregionals e implicar dirèctament 1 000 joves, en profechant de la novèla Amassada euroregionala de la Joventut.

🟢 Avèm ja inaugurat lo YOUTH PANÈL!!! 🟢

Los joves del territòri euroregional s’amassaràn per consultar e participar activament al debat a l’entorn del projècte Youth 4 Green ERF sus la comunicacion del Green Acòrdi europèu e sa començada sus aquel territòri 🌳🌿

🟢 Avèm realizat d’accions en Catalonha e en Occitània! 🟢

🌳 Dins la demarcacion de GIRONA 🌳

🌿 Dins la demarcacion de TARRAGONA 🌿

🍃 En region OCCITANIE 🍃

Sa cibla principala son los joves, e mai aqueles qu’an mens d’oportunitats (formacion professionala, escòlas de la segonda astrada  o joves migrants).

L’equipa de l’Euroregion, coma cap de projècte, coordina lo seguit e la gestion del projècte, aital coma las accions de comunicacion e de difusion.