L’Euroregion Pirenèus Mediterranèa vòl preservar e avalorar la siá biodiversitat e las sieus ressorsas naturalas, e promòure la produccion locala d’energia renovelabla e tanben mai globalament una economia bassa en carbòni e que s’adapte al cambiament climatic.
Per aquò, a dobèrt convocacions aquestes darrièrs dètz ans per enfortir los ecosistèmas euroregionals per çò de l’environament, lo climat e l’energia, davant aquelas escomesas.
En 2020 a dobèrt una convocacion especifica, lo Fons d’Ajuda COVID-19, per tal de apiejar projèctes dins l’economia circulara, e tanben dins l’economia verda e blava.
L’Euroregion Pirenèus Mediterranèa vòl venir en 2030 un territòri durable que presèrva sas ressorsas e se prepara als desfises del cambiament climatic. Se basarà sus una economia neutra en emissions de carbòni. L’Euroregion presèrva e valoriza la sieuna biodiversitat e sas ressorsas naturalas, e encoratjarà la transicion energetica cap a una sobeiranetat energetica euroregionala.
Contèxt europèu
La Comission sul Desvolopament Sostenible de l’Euroregion decidiguèt en febrièr de 2012 finançar los projèctes presentats pels seguents beneficiaris:
L’associacion Leader Ripollès Ges Bisaura, qu’a presentat un projècte “Energ.Tur-InfoEnergia e Torisme”, qu’a per tòca sosténer l’indústria del torisme perque sián conscients del sieu impacte sul cambiament climatic e qu’aquel impacte se resòlga per mejan de mesuras d’eficiéncia energetica e l’usatge d’energia renovelabla.
La Fondacion Empresa & Clima, que son projècte a per fin lo rendement d’indicadors globals per mesurar los efièches del cambiament climatic en l’Euroregion e contribuir aital a melhorar la competitivitat e l’eficiciéncia del sector toristic.
