L’Euroregion establiguèt en 2014 son Estrategia d’Especializacion Intelligenta en Recèrca e Innovacion, RIS3 (Research and Innovation Smart Specialisation Strategy) que definís los sectors estrategics d’innovacion partejats pels 3 territòris : ehealth e biosantat, agroalimentari, aiga e torisme.
En 2020, fàcia a la pandemia, l’Euroregion Pirenèus Mediterranèa lancèt un fons euroregional especific Covid que s’estructura entre grands sectors estrategics :
- amb l’innovacion al servici d’una Euroregion sobeirana al nivèl agroalimentari,
- e lo torisme tanben per que l’Euroregion venga una destinacion sana, segura e resilienta.
Per 2021, aquesta estrategia d’especializacion serà actualizada pel periòde 2021/2027 dins la dralha de las prioritats europèas establidas dins l’encastre del plan de recuperacion NEXT de l’UE e del pacte verd.
La fuèlha de rota euroregionala novèla per 2030 inclurà l’innovacion coma axe transversal al servici d’un desvolopament durable del territòri euroregional en se basar sus una economia competitiva : circulara, neutra en emissions de carbòni e sostenguda per la transicion numerica.
Per çò qu’es del torisme, contunharà d’èsser un dels sectors claus e competitius per que l’Euroregion promòga una economia circulara e transformada.
Per memòria, dins sa fuèlha de rota 2017/2020, l’Euroregion establiguèt un plan d’accion per :
- venir un centre de cooperacion de referéncia en innovacion ;
- sosténer l’innovacion, lo desvolopament d’entrepresas e sos malhums : l’Euroregion coma catalisadoira :
- Per aténher aqueste objectiu, l’Euroregion a obrat al nivèl de la Mediterranèa a l’entorn de la « creissença blava », es a dire principalament sus l’aiga e lo torisme durable. A desvolopat de projèctes de cooperacion dins aquestes domenis e a sostengut d’entrepresas innovatrises joves dins lo torisme durable coma per exemple dins l’encastre del projècte MIRO in Cube.
- consolidar l’ofèrta de formacion d’ensenhament superior e d’aprendissatge e son adaptacion al teissut economic euroregional.
D’un biais mai general, l’Euroregion lança d’apèls a projèctes o d’apèls a expression d’interès per aténher aquestes objectius e sosténer lo teissut economic euroregional e, en particular, la capacitat d’innovacion de las PMEs euroregionalas. Per aquò, s’apièja sus d’agéncias de desvolopament regionalas e d’agropaments d’entrepresas sectorialas presentas sul territòri.
