2,5 milions d’euros de fons FEDER de l’Union Europèa seràn repartits entre los projèctes seleccionats per la preservacion dels ecosistèmas, la reduccion dels impactes de la pression umana, l’alimentacion e la mobilitat durablas sul territòri literal transfrontalièr.
L’Euroregion Pirenèus-Mediterranèa dobriguèt lo 3 de junh lo segond apèl a projèctes POCTEFA de l’Aira Foncionala Litorala de l’Èst (AFLE) que permet d’estructurar la cooperacion territoriala sul literal mediterranèu de l’Aude fins a l’Èbre. Aqueste apèl, dotat de 2,5 milions d’euros dels fons FEDER del programa europèu INTERREG POCTEFA, demorarà dobèrt fins al 3 d’octòbre de 2025 a 17h00.
Totes los detalhs per se presentar al 2n apèl a projèctes son disponibles sul site del POCTEFA.
Los projèctes devon contribuir a l’estrategiaterritoriala integrada AFLE, qu’a quatre prioritats :
Preservacion e restauracion dels ecosistèmas
Reduccion de l’impacte de la pression umana (activitats economicas, torisme…)
Una alimentacion durabla sul literal ; favorir la diversificacion de las ressorsas marinas e terrèstras
Melhorar la mobilitat transfrontalièra, l’intermodalitat e favorir la mobilitat doça
Los projèctes devon èsser portats per un partenariat compausat d’almens doas entitats d’estats diferents (Espanha e França) e aver un impacte sus la franja litorala de l’Aude a l’Èbre. Devon implicar la populacion e aver un partenariat variat : mond academic, sector privat, autoritats publicas e ciutadans.
Lo budget total dels projèctes pòt variar entre 500 000 e 1 000 000 d’euros amb un cofinançament FEDER fins a 65 %.
L’an passat, lo primièr apèl a projèctes permetèt lo lançament de 5 projèctes ambicioses (totalisant 3 M€ de FEDER) per estructurar la cooperacion sul literal mediterranèu.
Mai d’informacions sus los projèctes seleccionats son disponibles sul site de l’AFLE.
L’Aira Foncionala Litorala de l’Èst (AFLE) es nascuda del programa de cooperacion transfrontalièra INTERREG POCTEFA 2021-2027, creat per promòure lo desvolopament duradís dels territòris frontalièrs entre Espanha, França e Andòrra. Dotada de 5,5 M€, l’AFLE promòu una gestion integrada del territòri literal e maritim transfrontalièr e respond als enjòcs comuns d’aquel territòri: pression environamentala e demografica (toristica e economica), e vulnerabilitat fàcia als impacts del cambiament climatic.
L’Euroregion Pirenèus-Mediterranèa es l’organisme responsable de la gestion d’aquesta aira foncionala, que respond a l’objectiu politic 5 del programa operacionau INTERREG POCTEFA, qu’a per tòca de raprochar Euròpa de sos ciutadans.
Totas las informacions concernissent l’Aira Foncionala Litorala de l’Èst son disponibles sul site https://afle.euroregio.eu.
Lo projècte AFLE EFA04/00 foguèt cofinançat a 65 % per l’Union Europèa a travèrs del Programa Interreg VI-A Espanha-França-Andòrra (POCTEFA 2021-2027). L’objectiu de POCTEFA es de renfortir l’integracion economica e sociala de la zòna frontalièra Espanha-França-Andòrra.
Ouvrir / Télécharger:
Nòta de Premsa (FR)
L’Euroregion Pirenèus-Mediterranèa valoriza la diversitat culturala, lingüistica, e patrimoniala de son territòri. Sèm un espaci de referéncia al plan europèu e mediterranèu en matèria de cooperacion dins lo domeni cultural [...]
