Projectes subvencionats en 2013

CARRIÈRA – Circuit Euroregional d’Arts de la Carrièra

Projècte ligat a las arts de carrièra qu’aguèt coma líder Le Cratère – Scène Nationale d’Alès, d’Alèst, en Lengadòc-Rosselhon. Lo partenariat impliquèt autras organizacions de Lengadòc-Rosselhon (L’Atelline, Comunautat de Comunas del Lodevés e Larzac, Les Elvis Platinés, RudeBoyCrew Festival d’Olt, Eurek’art Labelrue), Miègjorn-Pirenèus (La Cellule), Catalonha (Festival Fira de Tàrrega) e de las Islas Balearas (Companyia AuMents). Lo projècte perseguissiá la constitucion d’una ret d’arts de carrièra amb coproduccions, sosten a la difusion, temps de formacion e residéncias. La contribucion de l’Euroregion foguèt de 40.000 EUR.

ETAC – Espaci Transfrontalièr d’Art Contemporanèu

Ret de centres d’art contemporanèu amb lo musèu El Bòlit de Girona, en Catalonha, coma líder del projècte. Los autres sòcis foguèron lo Museu de l’Empordà de Figueres, lo LAIT – Laboratoire Artistique International du Tarn (Albi), La Panacée – Centre de Culture Contemporaine (Comuna de Montpelhièr) e Addaya – Centre d’Art Contemporani d’Alaró, isla de Malhòrca. L’intencion del projècte foguèt crear un espaci transfrontalièr d’art contemporanèu susceptible d’establir cooperacion permanenta entre los centres e atribuir borsas de tres meses per residéncias d’artistas. La contribucion de l’Euroregion foguèt de 20.000 EUR.

Memòria fílmica Pirenèus Mediterranèa

Projècte a l’entorn del patrimòni fílmic liderat per la Cinematèca de Tolosa, en partenariat amb l’Institut Jean Vigo (Lengadòc-Rosselhon), la Filmoteca de Catalunya e los Arxius del So i de la Imatge de l’Isla de Malhòrca. La tòca èra numerizar los filmes dels archius, tot en fasent possible metre en valor la cultura dins los divèrses territòris e la siá identitat comuna. La contribucion de l’Euroregion foguèt de 28.000 EUR.

Los molins, un autre agach

Una rota dels molins, liderada pel Conselh Insular de l’Isla de Malhòrca, en las Balearas. Lo projècte preteniá crear una rota de descobèrta dels molins mai emblematics de l’Euroregion, que pòt venir un produch toristic e cultural; a l’encòp, constituiriá lo ponch de partida d’una ret de collaboracion entre organismes concernits en la recuperacion d’aquela sòrta de patrimòni. Los autres sòcis del projècte foguèron la Fondació El Solà (Catalonha) e los parcs naturals regionals de la Narbonesa en Mediterranèa (Lengadòc-Rosselhon) e dels Grands Causses (Miègjorn-Pirenèus). La contribucion de l’Euroregion foguèt de 18.000 EUR.