Una edicion novèla del concors CREAOCCAT amb un format renovelat e un budgèt total de 12 000 € de borsas pels creators de contenguts en catalan e en occitan atjats de mens de 35 ans
L’Euroregion Pirenèus Mediterranèa lança l’apèl a candidaturas per la 3na edicion del concors CREAOCCAT, una iniciativa destinada als creators de contengut en catalan e en occitan sus las rets socialas, amb un format novèl que pòrta sus la collaboracion transfrontalièra. L’apèl a candidaturas es obèrt del 1èr de setembre al 30 d’octobre de 2025.
Aquel concors s’inscriu dins l’encastre dels objectius estrategics de l’Euroregion Pirenèus Mediterranèa en matèria de cultura, qu’òbra dempuèi 2021 a la construccion d’una identitat euroregionala fòrta, ancorada dins la riquesa culturala, lingüistica e patrimoniala comuna dels tres territòris membres : Generalitat de Catalonha, las Illas Balearas e la Region Occitània.
L’edicion novèla de CREAOCCAT, lançada jos la presidéncia de las Balearas, a per mira d’afortir la collaboracion transfrontalièra e la visibilitat de las lengas regionalas. Per aquela rason, lo concors prepausa aquesta annada una novetat màger : la participacion se farà en grops de tres creators de contengut, un per territòri membre, e deurà inclure almens un creator de contengut catalanofòn e un creator de contengut occitanofòn.
Aquela dinamica permet de favorizar los ligams entre los joves, lo trabalh d’equipa e los escambis lingüistics e culturals.
Cada grop seleccionat recebrà una borsa totala de 12 000 € (4 000 € per persona) per desvolopar lo projècte pendent l’annada 2026. L’objectiu es la creacion e la publicacion conjoncha d’una video mesadièra sus las rets socialas que valoriza la diversitat de l’Euroregion.
Los tèmas prepausats son los seguents :
L’apèl a candidaturas es obèrt del 1èr de setembre al 30 d’octobre de 2025. Lo reglament complèt del concors es disponible sul sit web de l’Euroregion.
Dobrir / Telecargar:
Nota de premsa (CAT)
Communiqué de presse (FR)
Nòta de premsa (OC)
Dens l’encastre de la presidéncia baleara de l’Euroregion (2025-2027), qui plaça lo torisme responsable, duradís e de qualitat com èish estrategic, un aperet navèth a candidaturas qu’ei lançat entà encoratjar [...]
