Dens l’encastre de la presidéncia baleara de l’Euroregion (2025-2027), qui plaça lo torisme responsable, duradís e de qualitat com èish estrategic, un aperet navèth a candidaturas qu’ei lançat entà encoratjar la collaboracion enter las escòlas d’ostaleria, de restauracion e de gastronomia de Catalonha, de las Islas Balearas e d’Occitània.
Aquera iniciativa qu’a entà objectiu de promòver los escambis educatius e practics, d’ahortir los ligams culturaus e professionaus enter los territòris e d’auherir au public de las experiéncias gastronomicas unicas qui miralhan la riquessa e la diversitat de l’Euroregion.
Destinataris
Las escòlas publicas o privadas d’ostaleria, de restauracion o de gastronomia situadas en Catalonha, a las Islas Balearas o en Occitània que’s pòden presentar si son dispausadas a assumir un triple engatjament :
Entà garantir l’escaduda d’aquera iniciativa, los centres que deuràn dispausar de mejans tecnics, umans e pedagogics sufisents entà miar a plan las activitats prepausadas.
Delais e foncionament
Aperet a candidaturas obèrt deu 15 de seteme de 2025 au 10 de noveme de 2025 (12h)
Resolucion : deceme de 2025
Execucion deu projècte : genèr de 2026 – junh de 2027
Lo budget totau atribuït ad aquera iniciativa que’s lhèva a 45 000 euros, dab un maximum de 15 000 euros per territòri. Que permeterà de finançar las despensas de desplaçament e de sejorn, la logistica e l’organizacion d’eveniments, las ressorsas pedagogicas e las accions de comunicacion.
Au demiei de las activitats previstas, que citam sustot :
Las proposicions que seràn avaloradas segon los critèris seguents :
Presentacion de las candidaturas
Las candidaturas que deven estar presentadas per la platafòrma WIIN abans lo 10 de noveme de 2025 a 12 h.
Aqueth aperet a candidaturas que representa ua escadença unica de méter en relacion joens talents, de promòver l’innovacion gastronomica e de har conéisher las destinacions de l’Euroregion per la cultura, l’educacion e la creativitat partatjada.
Telecargar los documents
Let’s Clean Europe (LCUE) es una Jornada euroregional de recuelhuda de residus, dins del programa europèu Netejam Euròpa dins lo Jorn Mondial per la neteja de la nòstra planeta. Aquela jornada se veirà amb la preséncia de representants politics e territoriales de la Generalitat de Catalonha, lo Govèrn de [...]
