La conferéncia finala de LIFE WAT’SAVEREUSE a amassat a Palma (Iles Balearas) nauts representants politics, actors del sector del torisme e partenaris del projècte europèu per un torn d’orizont de las avançadas e recomandacions sus la circularité e durabilitat de l’utilizacion de l’aiga.
Dins lo territòri de l’Euroregion, las politicas publicas de l’aiga promòvon las bonas practicas mesas endavant per d’avantatge de sensibilizacion del public e dels actors economics e institucionals.
Se jonhent a las iniciativas organizadas per la Jornada mondiala de l’Aiga, lo 21 de març de 2024 a agut luòc a Palma (Iles Balearas) la conferéncia finala del projècte WAT’SAVEREUSE. Décisionnaires locals, regionals e actors economics del sector del torisme sul territòri de l’Euroregion Pirenèus-Mediterranèa an fach lo bilanç de las avançadas e aplicacions realas de la legislacion pertocant la gestion de l’aiga, dempuèi la diminucion de la consomacion dins las installacions aculhissent los toristas, a sa reütilizacion, sustot per l’asagatge.
Gràcias a aquel projècte, co-finançat pel programa Life de l’Union Europèa e dont l’Euroregion es cap de fila, son mai de 14 milions de toristas que son estats sensibilizats a aquela problematica, aital coma mai de 40 institucions publicas e 3 000 actors del sector privat sus l’espaci euroregional, cobrissent Catalonha, Occitània e las Illas Balearas.
“Tot es ja inventat, ara, cal aplicar !”
Los intervenents son estats plan clars sus aquel ponch. Aquí perqué los rapòrts de recomandacions e bonas practicas elaborats pels partenaris de WAT’SAVEREUSE e los referencials tecnologics seràn difusats dins l’UE, per contunhar a desvolopar aquelas practicas, al delà del territòri euroregional. De guidas d’aplicacion tecnica tangiblas que permeton als actors del sector de profechar de l’experiéncia aquesida, e que seràn disponiblas sul sit del projècte.
Los escambis e visita de terren an fach ressortir l’importància capitala de l’implicacion de las administracions publicas localas e regionalas per anar mai luènh, coma las campanhas de sensibilizacion del public grand a un usatge rasonat de l’aiga lançadas per las autoritats, o encara la proposicion d’utilizar l’aiga de mar meteissa per las dochas dels pès sus las plajas.
Totes aqueles resultats seràn utilizats per noirir d’autres projèctes pels quals la gestion de las ressorsas en aiga es cruciala, dins l’agroalimentari o encara dins lo sector textil.
Dobrir / Telecargar :
Nota de premsa (CAT)
Communiqué de presse (FR)
Press release (EN)
Nota de prensa (ES)
Nòta de premsa (OC)
Jornada LET’S CLEAN UP EURÒPA 2023 de l’Euroregion : capitada de l’amassatge de degalhs sus las plajas protegidas amb la joventut Aquel tresen rendètz-vos annal d’amassatge simultanèu en zònas litoralas [...]
Aquel quatren rendètz-vos annal de collècta simultanèa dins los espacis naturals protegits, coordinat per l’Euroregion Pirenèus-Mediterranèa, a permés d’amassar 200 kg de degalhs en una ora. L’accion, que s’adreça a mai de 200 joves escolans de las Illas Balearas, de Catalonha e de la Region Occitània, a egalament permés d’explicar la varietat de las originas [...]
