Mai de 17 institucions de l’aiga de l’Euroregion amassadas per la tresena visita de seguit del projècte LIFE WAT’SAVEREUSE

L’Euroregion Pirenèus-Mediterranèa e sos partenaris amassats lo 19 d’abril a Montpelhièr per presentar las avançadas del projècte europèu LIFE WAT’SAVEREUSE

L’Agéncia de Desvolopament Economic (AD’OCC) e lo Pòl de l’Aiga en regions Occitània e Sud (Aqua-Valley) an co-organizat la Conferéncia Aiga e torisme duradís : de solucions adaptadas als enjòcs, amb la contribucion del coordinator del projècte LIFE WAT’SAVEREUSE, l’Euroregion Pirenèus-Mediterranèa (EPM).

Los rencontres dels expèrts de l’aiga se son tengudas lo 19 d’abril de 2023 a l’ostalariá Mercuri de Montpelhièr, collaborator de las campanhas de comunicacion dels partenaris occitans del projècte WAT’SAVEREUSE.

Mantun testimòni professional ligat a l’ecosistèma toristic d’Occitània (establiments, collectivitats localas e comunas) an presentat d’estrategias chifradas de gestion de la ressorsa en aiga dins lo contèxt actual.

A aquela escasença, una reünion tecnica s’es tenguda amb lo monitor del projècte CINEA. Los representants del consòrci d’8 partenaris menat per l’Euroregion an partejat los actualizadas de las accions e las etapas venentas del projècte LIFE WAT’SAVEREUSE amb una responsa satisfasenta de la visita de contraròtle.

L’impacte de las campanhas de comunicacion a valor aponduda de las tres regions son los tempses fòrts de la jornada :
– La campanha de la Region Occitània, Daissatz-nos d’Aiga a atench 3 milions de personas.
– La campanha de Catalonha, Tornatz dels sovenirs, pas de l’Aiga a collaborat amb mai de 210 oficis de torisme e 40 entrepresas e operators del sector toristic per promòure l’estalvi d’aiga.
– La campanha de las illas Balearas, A las illas Balearas, avèm fòrça causas… Mas pauc d’aiga, lançada en 6 lengas, e qu’a tocat mai de 5 milions de personas en solament dos meses. L’impacte sus las rets socialas es estada encara mai important. Sus YouTube, a atench mai de 5 milions d’impressions e en tèrmes d’impressions sus las rets socialas, n’a ajustat 18 milions : 10,5 sus Facebook, près de 6,5 milions sus Instagram e 1,1 milion sus Twitter.

Lo projècte europèu LIFE WAT’SAVEREUSE comença d’iniciativas dins lo sector del torisme que promòvon un modèl d’economia circulara basat sus la reduccion de la consomacion d’aiga e sa reütilizacion, amb un impacte dirècte per una adaptacion melhora al cambiament climatic e per la preservacion de l’environament mediterranèu en particular . Los elegits an atal soslinhat la plan bona difusion de l’iniciativa per de campanhas de comunicacion e los eveniments, talhièrs e rencontres que son estats organizats dins los tres territòris pendent las doas darrièras annadas, qu’an mes l’accent sus la promocion de solucions innovantas e dins los quals las entitats publicas e d’autres actors del sector del torisme i an participat.