Projecte de Lengas IC4

Formacion intensiva en lengas, de corta dorada e adaptada als estudiants e investigadors en «mobilitat» dins lo sen de l’Euroregion.

Per la siá istòria e lo sieu passat, l’Euroregion compta amb quatre lengas: catalan, castelhan, francés e occitan. L’usatge e la coneissença d’aquelas lengas es fòrça desparièr. Las lengas forman, donc, una “barrièra” lingüistica entre los ciutadans de l’Euroregion e los universitaris de l’Eurocampus, que pòt empachar la mobilitat dels membres Eurocampus.

Es per aquela rason qu’una de las prioritats de l’Eurocampus es estat lo dessenh e coordinacion d’un projèce d’aprendissatge intensiu e practic de lengas pels estudiants en mobilitat pendent lo periòde anterior al començament del cors.

Lo programa IC4 prepausa un modul de seguiment de 30 oras de cors intensiu sus sièis lengas romanicas, centrat sus las quatre lengas de l’Euroregion (francés, catalan, castelhan e occitan).

La formacion consistís en un aprendissatge de la compreneson escricha intensiva e simultanèa d’aquelas lengas.

Los tèxtes son de dificultat e extension progressiva. Cadun dels tèxtes se legís en votz nauta e seguidament, amb l’ajuda dels monitors, los escolans realizan una lectura activa en desvolopant las competéncias de descodificacion formala e foncionala: lexicala, sintactica, morfologica, d’entonacion, paraverbala.

Los estudiants construïsson d’espereles una gramatica comparada e bastisson dins 30 oras las competéncias que los permeton legir e comprene del 75 % al 100% d’un tèxt informatiu en l’ensems dels idiòmas trabalhats.

La formacion IC4 basa la màger part del sieu aprendissatge en l’intercompreneson, en poder comprene la lenga (orala e escricha) d’una persona sens la saber parlar.