Projèctes Europèus
L’Euroregion a per tòca:
- S’afirmar coma territòri de projèctes de portada europèa,
- Defendre amb una meteissa votz projèctes essencials pel desvolopament equilibrat e sostenible dels nòstres territòris, en tot preservant las nòstras riquesas naturalas.
L’Euroregion a sostengut dempuèi sa creacion la cooperacion entre los actors socioeconomics e culturals dels tres territòris per sustot la participacion a 16 projèctes europèus, dont 11 coma cap de fila, mai de 100 partenaris implicats de tota Euròpa, 9 programas europèus diferents mobilizats, per mai de 25 M EUR de fonzes europèus obtenguts, dont 22 pel territòri.
Actualament, L’Euroregion Pirenèus Mediterranèa coordina o participa a 6 projèctes europèus :
– Carbon Farming, Interreg Euromed – desvolopar un modèl d’agricultura carbòni en Mediterranèa coma novèl modèl economic verd – debutat en genièr de 2024 per una durada de 33 meses.
– CESAM, I3 – economia circulara dins lo sector de l’agroalimentari – aviat en setembre de 2023 per una durada de 3 ans, amb un apèl a projècte Cascada funding
– Fashion Forward, Interreg SUDOE – favorizar la transformacion de l’industria de la mòda per un modèl mai duradís – debutat en genièr de 2024 per una durada de dos ans e mièg.
– LocAll4Flood, Interreg Euromed – reduire los risques d’inondacion dins los bacins pichons versants – debutat en genièr de 2024 per 33 meses.
– L’Aira Foncionala Litoral Es (AFLE), Interreg Poctefa OP5 – gestion, coordinacion, animacion per l’EPM d’aquela zòna integrada de julhet de 2022 fins julhet de 2029. Lo 1èr apèl a projèctes lançat en marces de 2024, clausurada debuta 2025. Lo 2ème e darrièr apèl a projècte es claus dempuèi la debuta d’octobre de 2025.
– Smart Green Water, Interreg SUDOE – melhorar l’utilizacion de la ressorsa aiga dins L’agricultura – debutat en genièr de 2024 per 2 ans e mièg.
D’un autre costat, l’Euroregion es partenari associat de 5 projèctes dont :
- 3 pertocant lo Governament Interreg EUROMED retenguts en 2022. A aquel títol, l’Euroregion Pirenèus Mediterranèa seguirà las òbras dels projèctes STC (torisme), GoMed ! sus l’innovacion e Dialog4Nature en ligam amb los membres de la MedCoopAlliance.
- 1 projècte Life, Pyrénées4clima sus l’impacte del cambiament climatic suls Pirenèus pilotat per la Comunautat de trabalh dels Pirenèus (CTP).
- E enfin un projècte Trempoline 2 sus la mobilitat de la joventut per la frontièra pel trabalh, la formacion e los estagis pilotat pel CRIJ Occitània dins l’encastre d’un Interreg POCTEFA.
En mai, l’Euroregion se prepara pel periòde venent de programas europèus 2028 – 2034 per tal d’obtenir de novèls programas estrategics.
